Абруйлы җитәкче иде

Юбилярны “Агроснаб“ ширкәте җитәкчесе Рифат Зиннәтов та тәбрикләде.
Рушан Сафин Мәмсә авылында туган, Яңа Кенәр урта мәктәбен тәмамлаган “Сыйныф җитәкчебез Социалистик Хезмәт Герое Стелла Зәкиевна иде“, – ди ул.

Казан авыл хуҗалыгы институтын тәмамлагач юллама буенча Арча “Сельхозтехникасы“на эшкә җибәрәләр. 1981 елдан “Агроснаб“ оешмасында өлкән инженер. 1987 елда район авыл хуҗалыгы идарәсендә механикалаштыру бүлеге җитәкчесе итеп билгелиләр. 1990 елдан “Агроснаб“та директор урынбасары, 1992 елдан директор. 1998 елдан коммуналь хуҗалык директоры. 2004 елда яңадан “Агроснаб“ җитәкчесе итеп билгеләнә.

Кайда гына эшләсә дә ул һәр хезмәтне намус белән башкара, әйбәт, кешелекле җитәкче иде, дип искә алалар үзен.