Әлеге чара каршы яктан хәрәкәт итү полосасына узарга чыгу белән бәйле юл-транспорт һәлакәтләрен кисәтүгә юнәлдерелгән. Мондый хокук бозулар авыр нәтиҗәләргә китерүче җитди юл һәлакәтләренең төп сәбәпләренең берсе булып кала.
Чара үткәрү чорында Дәүләт автоинспекциясе хезмәткәрләре юл хәрәкәте кагыйдәләрен үтәүгә контрольне көчәйтәчәк. Аеруча юл билгеләре, тамгалар белән тыелган урыннарда каршы як полосага чыгу фактларын ачыклауга игътибар биреләчәк.
Дәүләт автоинспекциясе йөртүчеләргә искәртә: юл хәрәкәте кагыйдәләрен бозып каршы як полосага чыккан өчен административ җаваплылык - зур күләмдә штраф һәм транспорт чаралары белән идарә итү хокукыннан мәхрүм итү каралган.
Барлык юл хәрәкәтендә катнашучыларны игътибарлы булырга, юл билгеләре һәм тамгалар таләпләрен төгәл үтәргә, хәвефсез тизлек һәм дистанция сайларга чакырабыз. Юлдагы иминлек һәркайсыбызга бәйле.
Нет комментариев