Арча районында 17419 гектар иген суктырылды

Район буенча бер гектардан уртача уңыш – 39,4 центнер. «Северный»да – 51,4, «Заря»да – 51,7 центнер чыга. «Курса МТС»ында – 45,5, «Байрак»та 42,2, «Казанка»да – 41,9, «Ак барс» агрокомплексында – 41,6, «Яңарыш», «Тукай» ширкәтендә – 40 центнер. 

Иң күп уңыш арпада – гектардан 42 центнердан артык, көзге бодайныкы – 40,5 центнер.

Арча элеваторы барысы 25739 тонна ашлык кабул итте, шуның 20388 тоннасы безнең район хуҗалыкларыннан.

План буенча 67797 гектарда туфрак эшкәртергә кирәк, 6286гектары (9,3%) эшкәртелде. «Заря»да – 26, «Игенче»  ширкәтендә – 17, «Кызыл Яр»да – 14, «Ашытбаш»та – 13 процент.

Район буенча бер сыердан уртача тәүлекле савым – 20,9 килограмм, «Вамин» сөтчелек берләшмәсендә – 36, «Ак барс» агрокомплексында – 34 килограмм савалар.