Арча районында машина җәяүлене бәрдергән

1 февральдә иртәнге бишләр тирәсендә Киров шәһәренә илтүче “Волга” М7 автоюлының 80нче километрында (Лесхозга җитәрәк) җәяүлене машина бәрдереп китте. Ул урында һәлак була.

 Җәяүленең төнлә эштән кайтышы була. Тукталышта төшеп кала. Машиналар утыртмый. 13 километр җәяү бара. Караңгы участокка керә. Үзе дә кара киемнән, яктылык кайтаручы элементы да булмый. Көтмәгәндә каршыга чыккан кешене машина йөртүче күрми, бәрдерә. Шәһәрдән читтә караңгы вакытта йөргәндә яктылык кайтаручы элемент булуы мөһим. Юк икән, фонарь булса да яктыртырга кирәк. Күп очракта эчкән килеш төнлә юлга чыгу шулай күңелсез тәмамлана.