Арча районында техник караулар дәвам итә

Арча районында авыл хуҗалыгы техникасын еллык техник карау эшләре планлы рәвештә дәвам итә. 8 апрельдә расланган график нигезендә “Ашытбаш” һәм “Северный” ширкәтләрендә үзйөрешле машиналар һәм прицеплар техник тикшерү узды. Бу хакта безгә “Гостехнадзор“ның Арча районы буенча баш дәүләт инженер-инспекторы Габделхак Касыймов хәбәр итте.

Техник карауга “Ашытбаш” ширкәте 32, “Северный” ширкәте 39 берәмлек машина тәкъдим итте. Белгечләр техниканың гамәлдәге таләпләргә туры килүен раслады, аларга тиешле таныклыклар тапшырылачак.

“Техник карау барышында механизаторлар һәм җаваплы вазифаи затлар белән аңлату эшләре дә алып барылды. Аерым алганда, үзйөрешле машиналарны прицеплы, зур габаритлы авыл хуҗалыгы агрегатлары белән кулланганда юл хәрәкәте кагыйдәләрен төгәл үтәү зарурлыгы ассызыкланды. Бигрәк тә караңгы вакытта техника эксплуатацияләү мәсьәләләренә игътибар юнәлтелде”, – дип билгеләп үтте Габдлехак Касыймов.