Арча яңалыклары

Арча Укучылар сараеның яшь туристлары 10 чакрымнан артык юлларны җәяү үтә

автор, 19 июнь 2023 - 08:42

578

Яшь туристлар уку елын тәмамлап, җәйге походка чыктылар

❮ ❯

Арча Укучылар сараеның яшь туристлары 10 чакрымнан артык юлларны җәяү үтә

13 июньдә тренерлар Ленар Сафин һәм Л.Камалетдинова җитәкчелегендә балалар Арчадан Чокырча авылына кадәр араны җәяү үттеләр.
Юлда педагоглар урамнар, биналар тарихы турында сөйләделәр. Балалар таныш урыннар турында яңалыклар белделәр. Поход кысаларында мәктәпнең туган якны өйрәнү музеенда булдылар.

14 июньдә ял көннәренең чираттагы походы Түбән Мәтәскә - Казиле авылы маршруты буенча иде. Поход вакытында балалар Казиле авылының бай тарихы турында бик күп кызыклы һәм яңалык белделәр.

15 июньдә туристларның чираттагы төркеме Сикертән - Гөберчәк авылы маршруты буенча узды. Балалар М. Мәһдиев музеенда булдылар һәм язучының тормышы һәм иҗаты турында күп кызыклы нәрсәләр белделәр.