Арча укытучылары республика ярышында көч сынашачак

"Ел укытучысы-2024" конкурсының зона этабында яхшы нәтиҗәләргә ирешеп, Арчаның 6 нчы мәктәбенең инглиз теле укытучысы Кәбирова Ләйсән Ильяс кызы һәм башлангыч сыйныфлар укытучысы Сәйфетдинов Ришат Фәннур улы республика этабына үттеләр. "Хезмәттәшләребезне әлеге зур уңышлары белән чын күңелдән котлыйбыз! Аларга алдагы конкурсларда да үзләренең искиткеч энергетикасы, һөнәр белән мавыгулары, стандарт булмаган фикерләүләре белән зур җиңүләргә ирешүләрен теләп калабыз. Коллектив һәрчак Сезгә ярдәмгә килергә әзер! Уңышлар телибез!", + ди мәктәп коллективы.