Арча хакимияте бинасын мәдәният һәйкәле дип таныдылар
Арчада шәһәр администрациясе бинасы (Интернациональная ур., 39) мәдәни мирас объектларының бердәм дәүләт реестрына кертелгән. Тиешле карар дәүләт тарихи-мәдәни экспертизасы нигезендә кабул ителде.
Экспертлар төзелешнең датасын ачыклаганнар: элек мезонинлы ике катлы йорт 1853 елда төзелгән дип саналган, әмма архив документлары бина 1867 елда Богородица чиркәве каршындагы ике класслы мәхәллә училищесы өчен төзелгәнлеген күрсәткән. Төрле елларда биредә хатын — кызлар училищесы, шәһәр Думасы, ә совет чорында райисполком урнашкан.
Йортның тарихы белән ике мөһим вакыйга бәйләнгән: 1917 елның 8 ноябрендә биредә Арча волостенда Совет власте игълан ителә, ә 1920 елның февраль-мартында бинаны «сәнәк» восстаниесе («Игенче Кара бөркет»восстаниесе) катнашучылары басып ала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев