Арчада «Җәяүле» профилактик чарасы үткәрелә

Агымдагы елның ике ае нәтиҗәләре буенча, җәяүлеләр катнашындагы юл һәлакәтләрендә 7 кеше һәлак булган, бу узган елның шул ук чоры белән чагыштырганда 2,3 тапкырга күбрәк. Фаҗигаләрнең күбесе тәүлекнең караңгы вакытында, яктылык кайтаручы элементлар кулланмаган җәяүлеләр катнашында теркәлә.

Чаралар барышында түбәндәге юнәлешләргә аерым игътибар биреләчәк:

• җәяүлеләргә юл бирмәү очракларын кисәтү;

• җәяүлеләрнең тиешсез урыннарда яки светофорның тыючы сигналында юл аркылы чыгуын булдырмау;

• караңгы вакытта юлда яктылык кайтаручы элементларсыз йөрүче җәяүлеләрне ачыклау һәм куркынычсыз урыннарга чыгару.

Шулай ук, юл-транспорт һәлакәтләре анализы нигезендә куркыныч участокларда өстәмә профилактик чаралар үткәреләчәк.