Арчада атлар ярышы (видео)

Бүген Арча ипподромында 27 ат ярышта катнашты. 2 яшьлекләр, эш атлары, ярым чиста, чиста токымлы атлар ярышты. Ярышларны Яңасала авыл җирлеге башлыгы, атчы Айрат Сафин алып барды. Матур ярышлар булды. Арбалы атлар да ярышты. Халык күп иде. Арча, Балтач, Биектау районнары атлары ярышты. Икеяшьлекләрдә - А.Сәләхов фермер хуҗалыгы аты Лакки Гроу 1нче килде.Эш атлары арасында Иске Иябаштан Илназ Шакирҗанов Акватория кушаматлы атында 1нче урынны алды. Ярымчиста токымлы атлар арасында "Ашыт" ширкәтеннән Айрат Ишназаров Сай ни ал кушаматлы атында 1 нче булып финиш бирде. Чиста токымлылардан "А.Сәләхов" фермер хуҗалыгы аты Адмирал Зип 1нче килде. Җайдагы Сергей Изосимов. Молодцы! Уңышлар телибез. Арбалы атлар ике төркемдә ярышты."Северный" хуҗалыгыннан Фаил Мәгьсумов 1 нче урынны алды.