Арчаның В.Ф.Ежков ис. 1 нче мәктәптә 1 сентябрь тантанасы (ВИДЕО)

Күңелле һәм дулкынландыргыч мизгелләр. 11ләрнең соңгы еллары, ә беренче сыйныфка килүчеләрнең тәүге тапкыр мәктәпкә укырга килүләре. Әти-әниләр, әби-бабайлар да килгән. Һәркайсының 1 сентябрь тантанасын, үзенең баласын, укый торган классны, укытучыларын күрәсе килә. Бәйрәмгә район башлыгы урынбасары Алсу Мөхәммәтова һәм район прокуроры Ринат Кәримов килгән иде. Алар яңа уку елы белән коҗдадылар үәм уңышлар теләделәр. Мәктәп директоры Эльмира Сафина балаларны, укытучыларны, әти-әниләрне яңа уку елы белән котлады һәм укуда, балаларга белем бирүдә, эштә, гаиләдә уңышлар теләде, мәктәпең олимпиадалар буенча лидерлык итүен ассызыклап үтте. 11 сыйныф һәм 9 сыйныф укучыларының барысы да дәүләт имтиханнарын тапшырдылар, диде. Медалистлар да дәүләт имтиханнарын лаеклы тапшырганнар. Директор Эльмира Сафина РФның мәгариф министры Сергей Кравцовның мәктәпне 180 еллыгы белән котлавын укыды. Яңа уку елы белән! Исән-сау булыйк! Тәүге кыңгырау чыңлады...