Арча бакчаларында ниләр бар?

Без “Арчаның 5нче номерлы балалар бакчасы”нда гореф-гадәтләрне югалтмаска тырышу максатыннан милли бәйрәмнәрне үткәреп барырга тырышабыз. Бу көннәрдә бакчабызда дуслык бәйрәме булган Нәүрүзне каршы алдык.

Балаларга бәйрәм турында мәгьлүмат бирелде. Кунакка Кыш бабай белән Нәүрүзбикә килделәр. Балалар төрле ярышларда катнашып Кыш бабайны җиңәргә тырыштылар.

Бәйрәм җыр-биюләр белән үрелеп барды, балалар рәхәтләнеп күңел ачтылар,ахырдан коймаклар ашап сыйландылар.

Безнең максатыбыз – бәйрәм аша балаларда халкыбыз йолаларына, гореф-гадәтләренә кызыксыну уяту һәм мәрхәмәтле,игътибарлы,әхаклы балалар тәрбияләү.

                                                                              Тәрбияче Садыйкова Гөлсинә.