Арча Кыш Бабае электричка маршруты буенча сәяхәт итте

 Кыш бабай(РАМИЛ Мөхетдинов) , Кар кызы(Ләйсән Халитова), Шүрәле (Инсаф Мөхәммәтвәлиев) һәм баянда Шәүкәт Вәлишин Арча-Казан-Яшел Үзән- Казан электричка маршруты буенча сәяхәттә булдылар. Алар юлда вакытта Кыш бабай белән элемтәгә кереп, сәяхәтнең нечкәлекләре турында сораштык.

"Электричкадагы пассажирларны Яңа ел белән котладык. Кыш бабайга шигырьләр сөйләделәр. Ә без аларга бүләккә махсус ясалган Арча читеге формасындагы брелоклар һәм татлы кәнфитләр бирдек. Һәркем вагондагы кунаклар өчен шат иде. Яңа ел алды бит...Күңелләре тагын да күтәрелде... Шәүкәт Вәлишин дәртле җырлар җырлады. Пассажирлар видеога төшерделәр. Контролерларда да бәйрәм кәефе иде. Алар да Кыш бабай, Кар кызы һәм Шүрәле белән фотога төштеләр. Электричкада хәзер "куян"нар юк икән.Контролерлар шулай ди) Безгә дә күренмәделәр..Вагонда бүген без дәрәҗәле кунак идек. Казан вокзалында да ачык йөз белән каршы алдылар. Вокзалдагы поезд көтүчеләр дә безнең белән фотога төштеләр. Шүрәле алар өчен бииик кызыклы персонаж булды. Аннан Казан-Албаба электричкасында Яшел Үзәнгә кузгалдык. Анда да бәйрәм программасы булды. Һәр пассажир рәхмәт әйтте. Балалар белән олылар да куандылар. Шигырьләрен һәм җырларын жәлләмәделәр. Ә без һәрберсен бүләкләдек." - дип уртаклашты безнең ачык күңелле Кыш бабаебыз.