Арча районы авыл хуҗалыгы һәм азык-төлек идарәсенә яңа җитәкче сайланды

Абдуллин Ленар Илсур улы 1985 елда Арча районының Урта Курса авылында туган, югары белемле, 2007 елда Казан дәүләт технология университетын кызыл дипломга тәмамлаган. Ул хезмәт юлын “Ак барс Агро” ширкәтендә баш икътисадчы ярдәмчесе булып башлый. 2011 елда баш икътисадчы итеп билгеләнә, 2016 елдан район авыл хуҗалыгы һәм азык-төлек идарәсендә өлкән белгеч, 2018 елдан район башкарма комитетының икътисад бүлеге җитәкчесе. 2019 елдан район авыл хуҗалыгы һәм азык-төлек идарәсе җитәкчесе урынбасары булып эшләде.

Өйләнгән, хатыны Илүзә белән 3 ул, 1 кыз үстерәләр.