Арча станциясендә яңа "Табиблык амбулаториясе" ачылды

Арча станциясендә тимер юлдан өстә, татар зиратын үтеп киткәч, өске якта "Табиблык амбулаториясе" ачылды. Ачылу тантанасында район башлыгы Илшат Нуриев катнашты. Табиблар да шунда.

Бу бинада аптека да булачак. Шул тирәдә яшәүчеләр бик сөенделәр. Үзебезнең дәвалау пункты, аптека булды, дип. Казаннан Татарстан Республикасы сәламәтлек саклау министрлыгыннан хезмәтне саклау һәм техник контроль идарәсе җитәкчесе Фәнис Исхаков та кайтты. Баш табиб Рифат Идрисов тантананы ачып җибәрде. Аркылы куелган кызыл тасманы кисеп, хәерле сәгатьтә өр-яңа "Табиблык амбулаториясе" нә уздык. Андагы уңайлыкларны исебез китеп карап йөрдек. Терапевт, балалар табибы да, акушер да -- бар да бар. Процедура, көндезге бүлек бүлмәләре... Хыялыбыз тормышка ашты, дип карап йөрделәр. Амбулатория халыкка хезмәт итәргә язсын!