Арча яңалыклары
Арчада мини-футбол буенча район беренчелеге бара
Анда зона ярышларында иң көчле дип табылган 9 команда көч сынаша.
Бүген, 28 май көнне, Арча стадионында ир-егетләр арасында мини-футбол буенча райн беренчелеге бара. Анда зона ярышларында җиңү яулаган иң көчле 9 команда җыелды.
Ярышларны ачу тантанасында футбол сөючеләрне, кунакларны район башлыгы Илшат Нуриев сәламләде.
“Сәламәт тәндә – сәламәт акыл, – дип мөрәҗәгать итте ул футболчыларга. – Матур уен күрсәтегез. Җиңүне иң көчле команда яуласын”.
Илшат Габделфәрт улы мини-футбол буенча Арча районы беренчелегенең зона ярышларын үткәргән өчен Арча, Яңа Кенәр, Лесхоз командаларына рәхмәт әйтеп, 4000 сумлык сертификатлар тапшырды.
Уеннар әле кыза бара. Җиңүчеләр белән соңрак таныштырырбыз.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев