Арчага Бурят Республикасыннан мәгариф хезмәткәрләре килде

 28 нче апрельдә ТР Арча муниципаль районы “Арча 6 нчы урта гомуми белем мәктәбе” муниципаль бюджет гомуми белем учреждениесе коллективы Россия Федерациясенең Азия өлеше субъекты Бурят Республикасыннан тәҗрибә уртаклашырга килгән мәгариф хезмәткәрләрен кабул итте. Кунаклар мәктәп коллективы эше һәм районның мәктәпкәчә белем учреждениеләре эшчәнлеге белән җентекләп танышып чыктылар. Бурят Республикасыннан килгән мөгаллимнәр мәгариф оешмалары эшчәнлегенә югары бәя бирделәр.