Аяк астында даруханә

Кешегә табигать үз хәзинәләрен юмарт бүләк итә, ләкин кешедән үз-үзенә сакчыл караш сорый. Бу үсемлекләрне кайда табарга була соң? Аларны озак эзләргә туры килмәячәк, алар янәшә үсә. Бу - "аяк астындагы даруханә".

Бүген без, социаль хезмәт алучы, көндезге тору төркеменә йөрүче яшьләребез белән,  шифалы үләннәрнең тулы бер коллекциясен җыйдык . Дару үсемлекләре – борынгыдан билгеле, алар белән әби – бабаларыбыз дәваланганнар һәм бүгенге көнгә кадәр дару үләннәре кешегә ярдәмгә килә. Шулай ук саф һавада булу кәефебезне күтәрде, вакытны файдалы итеп үткәрдек. Шуңа күрә бар кешегә дә саф һавага чыгып, җәйнең матур мизгелләрен күреп калырга киңәш итәбез.