Аздан күңел була

Быел да Өлкән яшьтәге кешеләр көне уңаеннан 20дән артык ветеранга ашамлыклар тутырылган пакетлар өләштеләр. Бүләкләрне терлекчелек бүлеге киңәшчесе Роберт Хәйретдинов белән ветераннар советы рәисе Илгиз Бәйрәмов тапшырды. Район авыл хуҗалыгы идарәсендә озак еллар эшләп лаеклы ялга чыккан Мәгъсүмә Хәнәфиева юбилее уңаеннан Татарстан Республикасы Авыл хуҗалыгы һәм азык-төлек министрлыгының Рәхмәт хаты белән бүләкләнде.