Балалар бәйрәме

Бүген кич Арчаның Н.Сафин урамындагы балалар мәйданчыгы кечкенә сабантуйны хәтерләтә иде. Анда балалар өчен бик матур бәйрәм оештырылды.

Әлеге мәйданчыкны булдыруда, бәйрәмне оештыруда башлап йөрүче Алмаз Сәгыйтьҗанов (хәзерге вакытта республика прокуратурасында эшли) актив әти-әниләргә, район, шәһәр җитәкчеләренә рәхмәт әйтте. Территория үзидарәсе җитәкчесе Ринат Сафин мәйданчыкның барлыкка килү тарихын сөйләп үтте. “Бу тирәдә бала җанлы, иманлы кешеләр яши”,- диде ул. Шәрык территория узидарәсе быел грант отты, шул акчага әлеге мәйданчык җиһазландырылды.

Бәйрәмдә Арча сандугачы Расих Галимҗанов матур җырларын бүләк итте. Төрле уеннар оештырылды, бушлай пылау белән сыйладылар.