Балалар чыгышы сокландырды

И туган тел, и матур тел
Әткәм-әнкәмнең теле!  Арчадагы 7нче "Балачак" балалар бакчасында Туган телләр һәм халыклар бердәмлеге елына багышланган "Туган тел - милләт җаны" темасына районара семинар булып узды. Һәр төркем балалары Идел буе халыкларының төрле милләт вәкилләре булып киенеп, аларга хас гореф-гадәтләр белән таныштырдылар. Һәр милләтнең уеннарын уйнап, килгән кунакларны да чакырып, бергәләп күңел ачтылар. Килгән һәр кунак сабый балаларның матур чыгышларына шаккатып, сокланып утырдылар. Төрле районнардан килгән кунаклар яңа тәҗрибә туплап, зур рәхмәтләр әйтеп коллективка уңышлар теләп таралыштылар.