Балалар рәхәтләнеп күңел ачты

Арчаның 1нче номерлы балалар бакчасының зурлар төркемендә Яңа ел бәйрәме бик күңелле үтте. Безнең балалар шундый матур, шундый гаҗәеп, шатлыклы, малайлар пингвиннарга,  кызлар феяга әверелделәр. Матур чыршы янында алар Кыш бабай һәм Кар кызы белән күңел ачтылар, әйлән-бәйлән йөрделәр, шигырьләр сөйләделәр, уеннар уйнадылар, биеделәр. Әлбәттә инде Кыш бабай бүләкләр белән килде. Бәйрәм балаларга бары тик уңай хис-кичерешләр  генә  китерде. 

Алинә Хисмәтуллина, Гөлназ Хәкимова,

Арчаның беренче балалар бакчасы тәбиячеләре