Балалар укый да, бии дә...

Укулар башланды. Әти--әниләр, әби--бабайлар балаларын, оныкларын җитәкләп, әле сәнгать мәктәбенә, спорт комплексына, әле укучылар сараена, бозга чабалар. Китте замана... Беркөнне бу галәмәтне карап торган берәү: "Һәркайсыбыз баланы вундеркинд итәргә  тели!" -- дип әйтеп куйды.

Мөмкинлекләр күп ич хәзер. Өйдә телефон уйнатып ятканчы, йөрсеннәр, спортка да, биюгә дә... Беркөнне малайларга ияреп үзем дә Арчаның сәнгать мәктәбенә бардым. Бию дәресенә кереп утырган идем, китә алмадым... Хореограф Зилә Азатовна балаларга нинди хәрәкәтләр генә ясатмады! Әллә нинди катлаулыларына кадәр ясадылар. Талгын гына музыка куйды. Хәтта дәрестә фортепьянога күнегүләр ясадылар. Берьюлы бер ана (кызы модалар түгәрәгенә йөри): "Балага уку, спорт кына түгел, матурлыкны да тоярга кирәк", -- дип, бик хак әйтте. Мин дә малайларны биюгә күңел байлыгы өчен йөртәм. Ә сез?