Балалар юл йөрү кагыйдәләрен бакчада ук өйрәнеп үсә

Бу турыда балаларга кечкенәдән төшендереп үстерсәң аеруча үтемле. Шул уңайдан, Арчаның 1 нче номерлы “Салават күпере” балалар бакчасында һәр көнне иртән балалар белән юл йөрү кагыйдәләре буенча әңгәмә үткәрелә: балаларга әти-әниләреннән башка юлга, җәяүле урам кичүләреннән, светофорның кызыл утына чыкмаска, машинада махсус утыргычларда гына утырып барырга, киемнәрендә яктылык кайтарткыч элементлар булуы турында искә төшерелә.

Көннәр кояшлы торганда юл йөрү кагыйдәләрен урамга чыгып территориядә дә өйрәнәбез. Шушы көннәрдә бакчаның зурлар төркеменә йөрүче балаларга бакчаның ишегалдында юл йөрү кагыйдәләре буенча уен формасында шөгыльләр үткәрелде. Мондый рухтагы уен-шөгыльләр балаларның хәтеренә аеруча сеңеп кала.  

Ольга Шәрипова, Арчаның 1 нче балалар бакчасы тәрбиячесе