Казанда яшәүче ир-ат интернет аша чит илдән машина сатып алмакчы булган һәм 1 млн сум акчасын югалткан.

Эчке эшләр министрлыгының ТР буенча баш идарәсе хәбәр иткәнчә, 39 яшьлек ир-ат чит илдән автомобиль сатып алырга теләгән һәм мессенджерларның берсендә сатучы белән аралашкан. «Менеджерлар» белән машинаның бәясе, аны Россиягә китерү тәртибе һәм түләү ысулы турында килешкәч, ир-ат мошенникларга башта 450 мен сум, аннары 540 мең сумнан артык акча күчергән. Акчаларны алганнан соң аферистлар юкка чыккан.

Җинаять эше ачылган. Мошенникларны эзлиләр.

Тулырак: https://tatar-inform.tatar/news/kazanda-yasauce-ir-at-cit-ildan-masina-satyp-almakcy-bulgan-ham-1-mln-sum-akcasyn-yugaltkan-5925583