Арча яңалыклары
Быелдан Татарстанда сыйныф җитәкчеләре өстәмә акча алачак.
Быел Татарстан класс җитәкчеләренә өстәмә түләүгә 619 миллион сумнан артык акча алачак.
Ә 2021 һәм 2022 елларда бу максатларга федераль бюджеттан 1,9 миллиард сум акча бүлеп бирәчәк. Бу хакта “Татар-информ” мәгълүмат агентлыгына Дәүләт Думасы депутаты Айрат Фәррахов сөйләде.
«Бюджетка кертелгән үзгәрешләр 3 яшьтән алып 7 яшькә кадәрге балалы гаиләләргә ярдәм итүгә, сәнгать мәктәпләренә һәм музыка мәктәпләренә ярдәм итүгә өстәмә чыгымнарны, ә иң мөһиме - сыйныф җитәкчелеге алып бара торган укытучыларның хезмәт хакын күтәрүне күздә тота», - дип сөйләде журналистларга Айрат Фәррахов.
Исегезгә төшерәбез, Россиядә Владимир Путин йөкләмәсе буенча 2020 елның 1 сентябреннән сыйныф җитәкчелеге өчен федераль бюджет хисабына өстәмә түләячәкләр. Быелдан Татарстанда 22 меңнән артык сыйныф җитәкчесе өстәмә акча алачак.
Фото: pixabay.com
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев