Быелгы җәй "холыксыз" булачак, ди

автор, 17 июнь 2020 - 09:08

1572

Быел Россия халкын кискен үзгәрүчән һава торышлы җәй көтә, дип “сөендерә” РФның баш гидрометеорогоия үзәге җитәкчесе Роман Вильфанд.

Аның сүзләренчә, Россиядә һава массалары күчешенең юнәлешләре үзгәрәчәк. Бу исә һава торышының еш һәм кискен алмашынуына китерәчәк. Коры һәм эссе көннәрне яңгырлылары һәм салкыннары белән алмашыначак, дип фаразлый Вильфанд.
Метеоролог фикеренчә, бу климат үзгәрүгә бәйле. Шулай ук Россия территориясендә табигать алып килгән бәла-казалар да ешаюы көтелә, ягъни көчле яңгырлар, ураганнар, яшеннәр саны бермә-бер артачак, ди Роман әфәнде. Моңа кадәр синоптик Россиядә июньдә һава температурасы нормада яисә бераз югарырак булачак, дигән иде.