Чөгендер кавыктан коткара

автор, 11 апрель 2020 - 13:23

1373

“Әби-чәби әфсене” дип халыкта сыналган ысулларга бик ышанып бармыйбыз, аларны кулланмыйбыз. Әмма нәкъ шуларга мөрәҗәгать итү еш кына төрле күңелсезлекләрдән котылырга ярдәм итә ала.

Мәсәлән, башыгыз кавыкласа, кызыл чөгендер коткара диюләрен тикшереп карарга була. Өч тапкыр юганнан соң кавык кими, бер атнадан бөтенләй кавыкның эзе дә калмый.

Рецепт түбәндәге: 3 литрлы банкага 4 кызыл чөгендер турап салабыз. Саны төгәл түгел, банканың яртысы булсын. Шуңа салкын су коябыз да 5-6 көн җылы урында төнәтәбез. Вакыт узгач, суны марля аша сөзәбез. Кирәк саен кайнар су кушып, чәчне юганнан соң шул кызыл су белән чайкатабыз. Әнә шулай итсәгез, бернинди химиясез дә кавыктан котылып була.