Арча яңалыклары
Иң оста тракторчы – Гарипов фермер хуҗалыгында
16 июньдә “Ташкичү” ширкәте басуында сукачылар ярышы узды.
16 июньдә “Ташкичү” ширкәте басуында сукачылар ярышы узды. Анда хуҗалыкларның иң оста механизаторлары катнашты.
Тракторчылар үз кишәрлекләрендә урын алуга бәйгегә старт бирелде. Комиссия әгъзалары сөрү тирәнлеген, буразналарны дөрес ташлату һ.б. бәяләп баллар куя бардылар. Аңа кадәр тракторларның, агрегатларның төзеклеге, тиешле документларның булуы бәяләнгән иде.
Районның иң оста сукачысы дип Гарипов крестьян-фермер хуҗалыгыннан Илнур Гайнетдинов танылды.
Җиңүчеләргә бүләкләрне район башкарма комитеты җитәкчесе Ренат Гатиятов, район авыл хуҗалыгы һәм азык-төлек идарәсе җитәкчесе вазыйфаларын башкаручы Ленар Абдуллин тапшырды.
Ярышта катнашучылар берсе дә бүләксез калмады. Республика авыл хуҗалыгы хезмәткәрләре профсоюз комитеты җитәкчесе Фәридә Гарифҗанова, төрле компанияләр вәкилләре үз бүләкләрен тапшырдылар.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев