“Якыныңа бүләк яса: газетага яздыр” акциясе бара

Райондашларыбыз арасында “Якыныңа бүләк яса: газетага яздыр” акциясе бара.

Почта бүлекчәләрендә “Арча хәбәрләре” һәм “Арский вестник” газеталарына 2025 елның беренче яртыеллыгына язылу актив алып барыла. Шул уңайдан без “Якыныңа бүләк яса: газетага яздыр” акциясе игълан иттек.

Сезне дә әти-әниләрегезне, әби-бабаларыгызны, туганнарыгызны, күршегез яки дустыгызны газетага яздырырга чакырабыз. Ә инде газетага яздырган квитанция һәм якын кешегез белән фотога төшеп, безгә җибәрсәгез, редакциябездә уздырылачак бүләкләр уйнатуда катнашу мөмкинлегенә ия булачаксыз.

Газетага яздырган квитанция һәм якын кешегез белән фотога төшегез, үзегез һәм якыныгыз турында кыска гына мәгълүмат язып безгә юллагыз. Килгән фотолар газетабыз битләрендә һәм сайтта урын алачак (сезнең ризалык булган очракта). Фото җибәрүчеләр араксында 3 декабрьдә Сиринә Зәйнетдинова концертына билетлар, газета һәм радиога котлау бирү өчен сертификатлар уйнатылачак. Фотолар 1 декабрьгә кадәр 89393186582 номерына WhatsApp хезмәтенә кабул ителә.  

Әлеге акциягә кушылучыларыбыз бар һәм бу безне куандыра. Алар белән сезне дә газетабыз битләрендә таныштырып барырбыз.
Райондашыбыз Айрат Галиуллин – акциягә кушылучыларның берсе. Арчада гомер итүче әнисе Лизина Галиуллинаны ул киләсе елга газетага яздырган инде. Лизина ханымга 86 яшь, район газетасын яратып укый. 

“Бүгенге көндә дә сараенда тавык-чебиләр, бакчасында җиләк-җимеш, яшелчә аның,  балаларын, оныкларын һәрдам тәмле ризыклар белән сыйлап тора. Гомере буе газеталар алдыра. Җентекләп укып чыга аларны. Урынында тик утыра белми, гел хәрәкәттә әле ул”, - ди улы Айрат.

Лаеклы ялга чыкканчы, Лизина Галиуллина милли аяк киемнәр фабрикасында хезмәт куя. Бүгенге көндә балалары һәм оныклары игъбарын тоеп, үзе генә гомер итә. Өч баласы да гаиләләре белән Арчада яши, һәрдаим әниләре янында, ярдәм итеп торалар. 

Интернет ресурслар белән яшәгән заманда баласыннан мондый бүләк алу өлкән буын өчен зур шатлык.

erid: 2Vtzqwk18nX  Реклама 18 + «ТАТМЕДИА» АҖнең «Арск-информ» филиалы