Яңа Кенәрдә яңа парк булачак

Район башлыгы Илшат Нуриев, район башкарма комитеты җитәкчесе Ренат Гатиятов 4 ноябрьдә Яңа Кенәр авылында булдылар.

Авыл җирлеге башлыгы Әгъзәм Гайфуллин авылда быел башкарылган эшләр белән таныштырды.

Үзара салым программасы буенча урамнарга вак таш җәю дәвам итә. Әлеге программаның әһәмиятен халык елдан ел яхшырак аңлый. Җирлеккә кергән Яңа Ашыт авылы халкы үзара салымны 3 әр мең сумнан җыйган.

Яңа Кенәр авылында игелекле эшләргә ярдәм итәргә әзер торган эшмәкәрләр бар. Эшмәкәрләр тагын да артырга тора, хәзер авылда сәнәгать паркы ачу буенча эш башлана. Район башлыгы кулдан килгәнчә ярдәм итәрбез, диде.

Район башлыгы авылны төзекләндерү буенча киңәшләрен бирде.

Яңа Кенәрдә өлешчә мобилизация буенча хәрби хезмәткә киткән ир-егетләргә кирәк-яраклар җыйнап җибәрү буенча да бик актив эшлиләр. Район башлыгы аларның барысына да рәхмәт әйтте.