Җиңүчеләр бәйрәмдә бүләкләнде

"Яңа ел утлары балкыта өемне..." фотолар бәйгесенең алдынгы урын алган катнашучылары районкүләм чарада бүләкләнде.

Традиция буенча стадионда урнашкан Үзәк чыршыны ябу тантанасы 13 гыйнварда, искечә яңа елны каршылар алдыннан уздырыла. Бүген дә әлеге матур чара җыр-бию, уен-көлке белән үтеп китте. Буранга булуга карамастан, халык күп җыелган иде.

Ике атна барган сайтыбыздагы кышкы бәйгенең җиңүчеләрен дә бирегә чакырдык. Печмәнтау, Яңа Кенәр, Арчадан килгән катнашучыларыбыз иганәчебез "Нур" кибете әзерләгән сертификатлар һәм рәхмәт хатлары белән бүләкләнде.