Илсөя битлек тегә

Илсөя Бәдретдинова 100 битлекне барыбер тегеп бетергән. Аның битлекләрен авыл халкына бушка таратачаклар. Алла боерса, бүген кичкә икенче йөз битлекне тегә башларга ниятлим, ди җырчы. Исән-сау булыйк, өйдә утыруны дәвам итәбез, дип, халыкны өйдән чыкмаска өнди ул.

Хәзерге вакытта җырчы туган ягы Лениногорскида Шөгер авылында. Үзизоляцияне файдалы итеп үткәрә - волонтер булып битлекләр тегә.

- Авыл башлыгына өч йөз данә битлек тегәргә һәм авылдашларга таратырга дип кушып кайтарганнар. Мин дә йөз данәсен тегәм дип алып кайтып киттем әле. Өч сәгатькә утызны тектем. Боларын тегеп бетергәч, бәлки әле тагын калганнарын да тегәрмен, - дигән иде Илсөя "ШК" хәбәрчесенә битлекләр тегә башлауның сәбәпле турында.

- Илебезгә килгән бик үк яхшы булмаган бу ситуациядән исән-сау чыксак иде. Моңа бәләкәй генә өлешем тия ала икән, мин бик шат, - дип тә өстәде ул.

http://shahrikazan.ru/news/yazmalar/ilsya-bdretdinova-100-bitlekne-tegep-betergn