Арча яңалыклары
«Иң матур яңа ел фотозонасы» бәйгесенә тавыш бирү 30 декабрьдән башлана
Арча районының балалар бакчалары арасында фотолар бәйгесе бара
Яңа ел бәйрәме якынайганда мәктәпләр һәм мәктәпкәчә белем бирү оешмалары бина эчләрен аеруча матур һәм үзенчәлекле итеп бизи. Балалар бакчаларында быел ясалган берсеннән-берсе матур фотозоналарны күреп, безнең укучыларыбызга да күрсәтәсе килде.
Аларны күрсәтеп кенә калмыйча, әлеге фотозоналар арасында бәйге дә оештырырга булдык.
"Иң матур яңа ел фотозонасы" бәйгесендә җиңүчеләр тавыш бирү юлы белән сайланчак. Тавыш бирү 2023 елның 30 декабреннән 2024 елның 10 гыйнварына кадәр (бу көнне кертеп!!!) барачак. 11 гыйнвар көнне нәтиҗәләр ясалачак. 13 гыйнвар көнне Үзәк чыршыны ябу тантанасында җиңүчеләр бүләкләнәчәк.
Бүгенге көнгә 15 катнашучының фотолары сайтка урнаштырылды. Араларында районыбыз авыллары һәм Арча балалар бакчалары да бар. Һәркайсына уңышлар теләп калабыз.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев