Йорт яны территориясен иң матур бизәүчеләр арасында “ТАТМЕДИА” акционерлык җәмгыяте бәйге игълан итә

Ә сез инде үз ишегалдыгызны бизәдегезме? “ТАТМЕДИА” акционерлык җәмгыяте “Ә безнең ишегалдында...” («А у нас во дворе…»)  дип исемләнгән йорт яны территориясен иң яхшы Яңа ел бизәлешенә бәйге башлап җибәрә. Бәйге 2022 елның 23 декабреннән 2023 елның 13 гыйнварына кадәр барачак.

Бәйге “Райондагы иң матур ишегалды” («Лучший двор в районе») номинациясендә оештырылачак. Шәхси хуҗалыклар һәм райондагы барлык оешмалар да бәйгедә катнаша ала.

Җиңүчеләр ике этапта билгеләнә: район һәм республика дәрәҗәсендә.

Бәйгедә катнашу шартлары

2022 елның 23 декабреннән 2023 елның 4 гыйнварына кадәр түбәндәгеләрне үтәргә кирәк:

1. Үзегезнең йорт янын, ишегалдын бәйрәмчә итеп бизәргә;
2. Аны фото яки видеога төшерергә, үзегезнең ВКонтакте социаль челтәренә куярга;
3. #аунасводвореТМ   #татмедиа15 (икесен дә кую мәҗбүри!) хэштегларын язарга; 
4. Фотоны arvestnik@yandex.ru электрон почтасына җибәрергә.

2023 елның 5 гыйнварыннан 8 гыйнварына кадәр “Арча хәбәрләре” газетасының сайтында (arskmedia.ru) иң матур бизәлгән ишегалды өчен тавыш бирү барачак.

9 гыйнвар көнне бәйгенең район һәм шәһәр этабы җиңүчеләре ачыкланачак.

10-13 гыйнвар көннәрендә тавыш бирүнең республика этабы башланачак. Ул tatar-inform.ru и tatar-inform.tatar сайтларында була.

14 гыйнварда тавышларның гомуми санын исәпләп, бәйгенең җиңүчеләре билгеләнә.

Җиңүчеләр 14 гыйнварда «ТАТМЕДИА» АҖнең рәсми сайтында һәм "ТАТМЕДИА" АҖ массакүләм мәгълүмат чараларында игълан ителәчәк.

Реклама 16+