Иске Ашытта яшәүче Мәдинә Шәрәфиева өендә тавыш бирде

Яшь чакларын хәтерләп бетермәсә дә, сугыш елларын яхшы хәтерли Мәдинә әби. "Беренче тапкыр сайлауда катнашканым истә түгел, 18 яшемдә мин Мәскәүдә идем..." – дип истәлекләрен барлый башлады ул. Тик нәрсә генә сөйли башласа да, истәлекләре әнә шул дәһшәтле сугыш елларына кереп китә. "Фикерем чуала башлады. 100 яшемне тутырганнан соң, зиһенем китте, картайдым ахыры инде,"- дип шаярып та куйды ул.
Ил-көннәребез тыныч булсын, сугыш афәтләре кабатланмасын, дигән теләктә озатып калды безне Мәдинә әби.