Арча яңалыклары
Иске Иябашта – джунгли!
Элина Сәләхетдинова Дүшәнбе шәһәрендә туган, Мәскәүдә яшәгән. “Табигатьне бик яратам, Арча районының Иске Иябаш авылында төпләнеп тропик үсемлекләр үстерү белән шөгыльләнергә булдык“ , - диде ул.
Менә без шул теплицалар буйлап сәяхәт итәбез. Элина сөйли дә, сөйли. 100дән артык тропик үсемлек бар, ди. Һәрберсенең исемен белә. Биредә бар да кыргый табигатьтәгечә – орлыкларны түтәлләргә сибәләр генә, шунда тишелә алганы тишелеп үсә. Агу-химикатлар, ашламалар кулланмыйлар. Үсемлекләр авыруларга, бөҗәкләргә каршы үзләре көрәшә. Безне бигрәк тә кышкы салкыннарга чыдамлыклары гаҗәпләндерде.
Чүп үләннәрне дә утамыйлар. “Помидор – безнең өчен чүп“, - дип кенә җибәрәләр. Алар эт эчәгесе кебек үсә, теплица эчендәге кечкенә сазлыкларга тартыла. Җимешләре су эчендә кызара.
Социаль челтәрләрдән Иске Иябашта шундый экзотик урын барлыгын белеп волонтерлар да күп килә икән. “Мин Һиндстаннан кайтып төшүгә шундый урын барлыгын белеп бирегә килдем, - ди волонтер Анастасия. - Бер атна инде су сибешәм, башка эшләрдә булышам“.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев