Кәче мәктәбе укучылары сөенечләре

Кәче мәктәбендә 2нче сыйныф укытучысы Эльмира Мөхәммәтшина үз классы малайлары белән Әтнә татар дәүләт драма театрында "Сәйяр" балалар һәм яшүсмерләрнең республика театр фестиваленең зона этабында чыгыш ясадылар, дип язган идек инде.  "Әбиемнең серле сандыгы" әсәреннән өзекне сәхнәләштереп күрсәтте алар. Әсәрнең авторы - Эльмира ханым үзе. "Без Арча районында башлангыч класслар арасында җиңүче булдык, шуңа зонада чыгыш ясадык", - дип, сөенече белән уртаклашты Эльмира Мөхәммәтшина. Алар Казанга Габдулла Кариев исемендәге Татар дәүләт яшь тамашачы театрына барып бүләкләнеп тә кайттылар. Афәрин! Котлыйбыз!