Казанда үткән АСЕАН саммиты әһәмияте турында сөйләштеләр

Татарстан Республикасы Хөкүмәте Йортында узган брифингта  Россия – АСЕАН саммиты әһәмияте,  нәтиҗәләре турында фикер алыштылар. 

ТРның Премьер-министры урынбасары – Аппарат җитәкчесе Шамил Гафаров Россия Президенты Владимир Путинның,  ТР Рәисе Рөстәм Миңнехановның Казан халкына һәм республика гражданнарына юлланган рәхмәтен җиткерде. Саммитны оештыру сәбәпле килеп туган кайбер уңайсызлыкларны аңлаулары һәм сабырлыклары өчен рәхмәт әйтелде.: 17-19 июнь көннәрендә узган Россия – АСЕАН саммиты кысаларында мөһим халыкара диалоглар һәм очрашулар үткәрелүе турында ассызыклап үтелде.

 Татарстан башкаласы Казан 17 июньнән 19 июньгә кадәр Көньяк-көнчыгыш Азиянең 11 дәүләтенең лидерларын һәм Россия Президенты Владимир Путинны кабул итте. Өч көнлек эш вакытында Казан декларациясендә,   2026-2030 елларга комплекслы  эш планына һәм шулай ук энергетика һәм культура буенча бердәм хезмәттәшлеккә кул куйдылар. Саммит барышында уннарча ике яклы очрашулар булды.

Саммит (инглиз теленнән алынган сүз) дәүләт башлыкларының югары дәрәҗәдәге очрашуы дигән мәгьнәне аңлата.  Гади генә әйткәндә,  җитди очрашу.