Хөрмәтле авыл хуҗалыгы һәм эшкәртү сәнәгате хезмәтчәннәре! Мөхтәрәм аграр тармак ветераннары!

Әлеге көн – үзенең туган җирен сөйгән, аның чәчәк атуы өчен бөтен көчен бирүчеләрне берләштерә торган бәйрәм. Сезнең тырыш, тынгысыз хезмәтегез  белән илдә азык-төлек муллыгы булдырыла.

Табыныбызны ризыклы итүче, ил куәтен арттыруга ихлас көчен бирүче авыл хуҗалыгы хезмәтчәннәре! Сезнең иртә таңнан караңгы төнгә кадәр басу-кырларда, кече һәм эре предприятиеләрдә җитештерелә торган продукцияне барыбыз да көн саен көтеп алабыз.

Кыенлыклар белән исәпләш-мичә, үз эшен намус белән башкарган, табыннарыбызда азык-төлек муллыгын тәэ-мин итү өчен тырышкан тәҗ-рибәле игенчеләребез, механизаторларыбыз, терлекче-ләребез, гомумән, күпкырлы авыл хуҗалыгының фидакарь хезмәтчәннәре белән чын мәгънәсендә горурланабыз. Җиргә карата хуҗаларча мөнәсәбәтегез, җаваплы булуыгыз белән сез авыл хуҗалыгы үсеше өчен уңай шартлар тудырасыз. 

Уртак тырышлык нәтиҗәсендә быел район басуларыннан                                                                                                                                     215 мең тоннадан артык икмәк җыеп алып, амбарларга салдык. Район тарихында беренче тапкыр көнлек савылган сөт күләме 200 тоннадан артып китте. Бу уңайдан крестьян-фермер һәм шәхси хуҗалыклар тырышлыгы да мактауга лаек.

Бәйрәмебез котлы, мөбарәк булсын! Сезгә авыр, әмма мактаулы һәм игелекле хезмәтегез өчен ихластан рәхмәт сүзләрен белдереп, барыгызга да сәламәтлек, күңел күтәренкелеге, гаи-ләләрегездә иминлек һәм яңа хезмәт җиңүләре телим.

Арча муниципаль район башлыгы И.Г. Нуриев