Күлдә 13 яшьлек малай батып үлгән

Түбән Кама янындагы күлдә 13 яшьлек малай батып үлгән. 

Билгеле булганча, фаҗига кичә көндез Кызыл Чишмә бистәсе янында Каракүл күлендә булган. Фаҗига шаһитлары сөйләгәнчә, ике үсмер су коенырга килгән. Берсе йөзә белмәгән, әмма суга сикерергә уйлаган. Бала шунда ук диярлек су астына киткән.

Үсмер һәлак булган урынга 6нчы зона коткару отряды коткаручыларының водолазлары килгән. Гадәттән тыш хәлләр министрлыгы хезмәткәрләренә малайны ярга һәлакәт урыныннан ерак булмаган балыкчылар чыгарганын әйткәннәр.

Фаҗиганең сәбәпләре ачыклана. 

Татар-информ