Коронавирус табылган баш табиб Президент белән аралашкан булган

"Үз кабинетымда изоляцияләндем", дип яза Коммунарка дәваханәсе баш табибы.

Мәскәү шәһәренең 40нчы клиник дәваханәсенең баш табибы Денис Проценкода коронавирус инфекциясе булуы ачыкланган. Бу турыда, "РИА Новости" агентлыгына сылтанып, "Интертат" яза.

“Дуслар! Сезнең борчылуыгызны белгәч, күңелем булды. Әйе, минем CoVга тестым уңай. Мин үземне яхшы хис итәм. Үз кабинетымда изоляцияләндем. Биредә дистанцион эшләү, идарә итү һәм телемедицина консультацияләре өчен барлык мөмкинлекләр бар”, - дип яза ул Фейсбук челтәрендә.

Узган атнада Коммунаркадагы бу клиникага Русия Президенты Владимир Путин килгән иде. Ул Проценко белән очрашып аралашты.

Дәүләт башлыгының матбугат секретаре Дмитрий Песков барысы да яхшы булуын, Президентны даими рәвештә коронавируска тикшереп торуларын әйтте, диелә бу хәбәрдә.



Фото: kremlin.ru

https://kiziltan.rbsmi.ru/articles/zdorovie/D-vahan-ne-bash-tabibinda-koronavirus-tabilgan-195537/