Коронавирус: Татарстанда авыручылар саны кимеми

Шулай итеп, республикада COVID-19 йоктыру очракларының гомуми саны 4 040 ка җитте. Барлык чор буенча 2 874 кеше савыкты, шул исәптән узган тәүлектә - 39. Дәвалауда 1 154 пациент кала. Оператив штаб мәгълүматы буенча, барлык яңа очраклар моңарчы авыручылар белән контактта булган: 13 кеше хастаханәгә озатылган, 26 сы өйдә җиңел яки симптомсыз формада дәвалана. Яңа очракларның географик бүленеше түбәндәгечә: Казан - 31, Яр Чаллы - 2, Аксубай районы - 3. Берешәр йоктыру очраклары Югары Ослан, Яшел Үзән һәм Лаеш районнарында теркәлгән.