Ковидлы пациентны алып барган “ашыгыч ярдәм” машинасы әйләнеп капланган

Корнавируслы пациентны хастаханәгә алып бара торган “ашыгыч ярдәм” машинасы һәлакәткә очраган һәм әйләнеп капланган. Әлеге хәл Киров шәһәрендә була, дип яза Интернет чыганаклар.

Нәтиҗәдә, 6 кеше— өч пациент, ике медик һәм “ашыгыч ярдәм” машинасы йөртүче зыян күргән.

Фаразлар буенча, “ашыгыч ярдәм” машинасы сигналын яндырып кызыл утка барган һәм җиңел машинага бәрелгән. Әлеге факт буенча тикшерү эшләре бара, диелә хәбәрдә. 

 http://shahrikazan.ru/news/kyiskacha-ya%D2%A3alyiklar/kovidly-patsientny-alyp-bargan-ashygych-yardm-mashinasy-ylnep-kaplangan