Кыш – алар өчен авыр чор

Татарстан Республикасы Биоресурслар дәүләт комитеты хезмәткәрләре аучылык хуҗалыгы хезмәткәрләре белән биотехник чаралар үткәрәләр: өстәмә азык сала торган урыннарга сукмаклар салалар, кардан чистарталар, ашлык, тоз салып торалар. Әлеге эштә “Зариф кордоны“, “Үрнәк“ аучылык хуҗалыклары, битараф булмаган аучылар активлык күрсәтә.
15 гыйнвардан кыргый кошлар һәм җәнлекләрнең эзләрен санау башланды. Ул маршрутлар буенча уздырыла. Безнең районда алар – 37. Беренче көнне булган эзләр бетерелә, икенче көнне яңа  эзләрне саныйлар. Эз санаучылар чаңгылар белән уза. Якын көннәрдә районда бу эш төгәлләнә.

Булат Шәйхуллин,
Биоресурслар буенча дәүләт комитетының Арча районы буенча бүлек җитәкчесе