Лев Лещенко терелгән

автор, 7 апрель 2020 - 12:30

1476

Лев Лещенконың исеме соңгы арада күпләрнең теленнән төшмәде.

78 яшьлек җырчыны март ахырында ашыгыч рәвештә хастаханәгә салганнар иде. Анализлары коронавируска уңай нәтиҗә бирде, берничә көн артист реанимациядә үткәрде. Әмма табибларның тырышлыгы белән аның хәле яхшырды. Бүген ул өенә кайтты. Хастаханәдән китәр алдыннан Лещенко журналистлар белән аралашты: “Барысы да яхшы. Өйдә дәваланып бетәргә җыенам. Ярдәмнәре өчен табибларга зур рәхмәт. Паника куптарырга кирәкми, барысы да яхшы булыр”,- диде.

Исегезгә төшерәбез, җырчы АКШка гастрольләр вакытында «таҗлы» вирус эләктергән. Русиягә кайткач, үзен начар хис итсә дә, ул Игорь Крутойның апасының туган көн мәҗлесендә катнашкан.

Чит илдән кайткач карантин сакламавы өчен Лев Валерьяновичны хейтерлар тәнкыйть утында тотты. Нәтиҗәдә мэтрга тирә-яктагыларны куркыныч астына куйганы өчен гафу үтенергә дә туры килде.