Машинагызны эвакуатор алып китмәсен, дисәгез...

Соңгы вакытта кар күп яуды, бураннары да ешаеп китте. Урамнарда кар көртләре барлыкка килде. “Әмма коммуналь хезмәтләр карны чистарта алмый. Чөнки кешеләр юл хәрәкәте кагыйдәләрен бозып, машиналарын теләсә кайда, җәяүле юл аркылу урынында, юл өстендә, инвалидлар машина кую урынында, тукталышта калдырып китәләр. Шуңа коммуналь хезмәтләр кар чистартырга комачаулаган машиналарны эвакуатор белән алырга булышуны сорап безгә мөрәҗәгать иттеләр.

Без үз чиратыбызда берничә көн рәттән рейдлар оештырдык”, – диде ЮХИДИ бүлекчәсе җитәкчесе Ришат Хуҗин.Машина хуҗалары өчен ул кыйммәткә төшәчәк, чөнки тиешсез урында машина калдырган өчен штрафтан тыш аларга эвакуатор алып киткән, стоянкада торган өчен дә түләргә туры киләчәк.