Наласа мәктәбендә көрәш ярышы

Наласа егете, шәхси эшмәкәр, "ФорВаг" оешмасы җитәкчесе Инсаф Илшат улы Нотфуллин Наласа урта мәктәбе спорт залында үткәрелгән   көрәш ярышының  төп иганәчесе булды. Ярышта 2009-2011 елгылар һәм 2012 елгылардан яшьрәкләр катнашты. 
 101 көрәшче бил алышты, алар 15 үлчәү категориясенә бүленеп көрәштеләр.
Җиңүчеләргә иганәче тарафыннан әзерләнгән яхшы бүләкләр тапшырылды.
Командалар буенча нәтиҗәләр тренерлар арасында чыгарылды. 1 нче урында тренер Галиев Рәис Фәнисович командасы (Наласа, Кәче, Иске Чүриле мәктәпләре), 2 нче урында тренер Һидиятуллин Фәнил Фәнисович командасы (Арчаның 6нчы һәм 7 нче номерлы мәктәпләре), 3 нче урында - тренер Әскаров Илүс Илдусович командасы (Лесхоз, Түбән Мәтәскә мәктәпләре).
Барлык катнашучылар да кайнар ризык белән тукланды. Арча спорт комплексы җитәкчелеге шундый ярыш оештырып, көрәшчеләрне шатландырган өчен төп иганәче - Нотфуллин Инсаф Илшат улына чиксез рәхмәтле. Шулай ук ярышны оештыруга зур өлеш керткән Наласа урта мәктәбе коллективына, тренер Галиев Рәис Фәнисовичка  зур рәхмәт.