Өч хәрефле чир белән дә яшиләр

Шау итеп сөйләшеп алдык. Күңелләре көр иде. Хәл--әхвәлләрне сорашканнан соң берсеннән: "Иреңнең хәлләре ничек? Ялгышмасам, аның үпкәсендә иде бит" -- дип сорадым. "Аллага шөкер, яши", -- дип җавап бирде танышым. "Берәр диета тотамы, нәрсә дә булса эчәме?" -- дип кызыксындым. "Эчә, -- дип рәхәтләнеп көлде танышым. -- Көн саен 1-2 рюмка эчә". Сүзнең нәрсә турында барганын аңлап алдым. "Файдасы бармы?" -- дип сорадым. Һәм: "Ничек кенә әле!" -- дигән җавапны ишеттем.

Икенче танышымда да онкология икәнен белә идем. Инде аңа хәзер 15 еллап бардыр. Аның да хәлен сораштым. "Синдә ул чир булмады ахры", -- дим. "Шул чир. Минем бәвел куыгында иде. Ә мин сөт эчәм. Кайнатмалар туглыйм да, сөт эчәм. менә яшим бит!"

Күңелләре көр кешеләр алар, бәлки шул ярдәм итәдер. Күңел төшенкелегенә бирелмәскә, көрәшергә кирәк.