Өлгер дә инде китапханәчеләребез

Өлгергәннәр! Арча район балалар китапханәсе хезмәткәрләре турында әйтүем. Беренчеләрдән булып Кыш бабай белән Кар кызын эләктереп алганнар һәм балалар белән очрашыру җаен да тапканнар.

 «Татарстанда Кыш» проекты кысаларында, Арча район балалар китапханәсе хезмәткәрләре Җиңү паркында балалар өчен “Карлы уен” оештырдылар.
Бәйрәмдә Кыш бабай белән Кар кызы сабыйларның күңелләрен күрде. Ә Кар бабайның зирәклеге һәм күңелле уеннары кәефне күтәрде. Балалар ике командага бүленеп рәхәтләнеп саф һавада хәрәкәтчән эстафета уеннарында катнаштылар, тәмле күчтәнәчләр белән сыйландылар.